Veitingastaður

Við erum opin fyrir hópa í hádeginu.

Hér er lögð áhersla á víkingaöldina og þegar þú gengur inn stígur þú beint inn í heim fortíðarinnar. Innréttingarnar eru í víkingastíl og við bjóðum upp á sannkallaða víkingaveislu með hefðbundnum réttum, bornum fram á gamaldags víkingabökkum. Á þessum frægu veislum er aldrei dauður tími — gestir geta átt von á fjölbreyttum kræsingum, skemmtilegum uppákomum og óvæntum atriðum frá söngvurunum okkar, Valkyrjum og Víkingum.



Skemmtunin nær hámarki þegar Fjöruhöfðinginn krýnir einn gest sem heiðursvíking. Matseðillinn er að sjálfsögðu hægt að aðlaga að óskum, en við mælum eindregið með þriggja rétta víkingakvöldverðinum okkar sem inniheldur úrval af forréttum, ljúffengu fjallalambakjöti og skyr- og jógúrt­eftirrétti með ávöxtum.

Með þessu fylgir Brennivín — einnig þekkt sem Svarti dauði — borið fram í hefðbundnum lambahornum. Þú getur líka prófað Mjöðinn okkar, hinn sanna víkingadrykk.

Upplifun sem vert er að njóta!

Fjörukráin er opin alla daga frá klukkan 11:30-22:00 en þá lokar eldhús staðarins. Barinn er hins vegar oft opinn lengur. Boðið er uppá okkar margrómuðu Víkingaveislur öll kvöld vikunnar, auk þess sem gestir geta valið af sérréttarseðli.

Haldnar eru Víkingaveislur og við getum tekið á móti allt að 350 matargestum samtímis. Við framreiðum þriggja rétta máltíð og allir réttirnir eru bornir fram í trogum af syngjandi Víkingum og Valkyrjum. Þegar gestir hafa sest til borðs er boðið upp á smakk af rammíslenskum mat s.s. hákarl og harðfisk svona rétt til að kitla bragðlaukana og þessu er skolað niður með snafs af ísköldu íslensku brennivíni. Síðan er borin fram sjávarréttasúpa með blönduðum fisktegundum og nýbökuðu brauði. Aðalréttur er gufusteiktur lambaskanki með maukuðum kartöflum og gljáðum garðávöxtum, fersku salati og sósu. Með forréttinum berum við fram frosið íslenskt brennivín og stóran bjór eða léttvínsglas með aðalréttinum. Í eftirrétt er skyr með bláberjum og sorbet. Að sjálfsögðu er hægt að fá aðra rétti ef óskað er.

Umgjörðin er glæsilegur veitingastaður sem engan á sinn líka. Hann er skreyttur með yfir 100 uppstoppuðum dýrum. Þar er líka að finna 1200 lítra fiskabúr sem er fyrir ofan 16 metra langan útskorinn bar. Veggir eru skreyttir víkingamunum og myndum eftir Hauk Halldórsson. Allur tréskurður er unnin af íslenskum handverksmönnum. Eins hafa erlendir útskurðarmenn lagt okkur lið við útskurð á skreytingum og skurðgoðum. Freyjuhofið er sá hluti hússins sem er stolt okkar. Þar er glæsilegur salur með mikilli lofthæð. Hann er tileinkaður Freyju og þar ríkir ást og friður innan um stórkostleg listaverk í myndum, útskurði og öðru skrauti. Þar er einnig að finna Þrymskviðu í myndformi eftir Hauk Halldórsson og útskornar Freyjumyndir.



Flest kvöld erum við með söngvara sem ganga um og syngja og spila á meðan að gestir njóta þess að borða góðan mat.

Velkomin í

Fjaran restaurant

Hádegismatseðill

Víkingakvöldverður